جوزف حرب يقول:

[مؤيد أحمد]

سوري سما طلبت منّك تحطي شي لجوزف حرب
وهذانا سبقتك بعد شوية بحبشه في قوقل :an:



حبيتك تنسيت النوم يا خوفي تنساني
حابسني براة النوم و تاركني سهراني
أنا حبيتك حبيتك أنا حبيتك حبيتك
بشتاقلك لا بقدر شوفك و لا بقدر احكيك
بندهلك خلف الطرقات و خلف الشبابيك
بجرب إني إنسى بتسرق النسيان
و بفتكر لاقيتك رجعلي اللي كان
و تضيع مني كل ما لاقيتك
حبيتك حبيتك أنا حبيتك حبيتك
يا خوفي إبقى حبك بالإيام اللي جايي
و اتهرب من نسيانك ما اتطلع بمرايي
حبسي أنت أنت حبسي و حريتي أنت
و أنتا اللي بكرهو و اللي بحبو أنت
يا ريت ما سهرت و خفيتك
حبيتك حبيتك أنا حبيتك حبيتك ..

[مؤيد أحمد]

وكمان هاي :


اسامينا شو تعبو أهالينا تلاقوها و شو افتكرو فينا
الأسامي كلام .. شو خص الكلام .. عينينا هني أسامينا
لا خضر الأسامي و لا لوزيات
لا كحلي بحري و لا شتويات
و لا لونن أزرق قديم ما بيعتق
و لا سود وساع و لا عسليات
و لا فيهن دار دار الخمار
علينا و بلش يسقينا
تلج و ورق طاير و المسا حزين
و ضباب و قناطر نحنا بردانين
لملمنا أسامي اسمي عشاق
من كتب منسيي و قصايد عتاق
و صرنا نجمع اسامي و نولع
تصارو رماد و ما دفينا ..

[مؤيد أحمد]

عشت،
وعرفت.
حزنت،
وفرحت،
وكبرت.
وهلق ي هالدفّي،
انغمسي بموج الليل.
بيكفّي.
زهقت من هالكون،
زهقت من هالكلّ،
وطالع ع بالي فِل.

[سما]

شو حلو ه الجوزف :be:


أمر ملكي ..
منئمر وزير الريح،
منئمر وزير الشمس،


يصرفوا غيمي لَ قِبة هـ السما. ومطرح
مفي بالمملكي تراب وخلايق يصرفو قروش الشِتي.

ومطرح م بيلاقو زرعْ
يصرفولو نبعْ

ومطرح م بتحيِّك أيادي ه الشجر
قِمصان فيّ
يصرفو فضّة المَيّ.

ومطرح مَ في وديان، وسهولْ ، وغابات،
وصيف يابس ، يصرفو شِلَّال ،
وِبْحيرهْ وْنَهرْ،
يْكَفُّو تْنَعْشَرْ شَهرْ

تَيضَلّ أخضرْ هَ الشجر ، وِ العِشِبْ طالِعْ


مِتل مَ بْيِمشي صَبَايا فوقْ مِنْهُنْ في شَماسي
من عصافير وْزَهرْ.

البَحرْ.
...

[فِتنة السمَاء !]

بليل و شتي صوتو مسموع
يا هوي اغمريني يا هوي دموع
تنين عاشقين قاعدين دايبين عميحكو سوا على ضو شموع
عينيهن ببعضن إيديهن بردانين و شفافن عشاق مع بعض سهرانين
و مرقي يا سنين و تلجي يا سنين
خلي بواب الليل علينا مسكرين
آه ولا يعطش حدا منا و لا يجوع
بلون الفراق الـ بآخر قصتن عـ خيوط الشتي مكتوبي سهرتن
و ما بين بوستن ع الشمع و آهتن كل ما تذكرو هالباب بتنزل دمعتن
آه اللي من جمرتا قلبن موجوع
:butt:

[فِتنة السمَاء !]

مؤيد ,, سما
شُكراً لكُمَا ولِـ ذائِقتكُما
;fl;;fl;
* بدنا مُتَصفح لـ الأخوين رحباني كمان (: *

[مؤيد أحمد]

سما
ألف عافية ورضا لك
وبدّي كمان :an:

فتنة
ربنا يخليك ويزيدك من حلا الذوق أحلاه
ونورينا بالمتصفح " رحباني "
راح يكون لذيذ أكيد

;fl;

[سما]

الشاعر

من كِتر ما فيي مدى، وأفلاك،
غيبْ ، غامِضْ ، سِرّ،
دَقْ جْراسْ
لَمْطارِحْ بَعد ْ سَوْدا،
بْتِكفيني

عِشْبي ، يَ ريشة طَيرْ،
يا نِقْطة شِتي،
يا زِرّ يِبْسِتْ عِرْوِتُو
بْقِمْصانْ زَيْتُوني.

مَنِّي بِحَاجي كْتير لَعيوني.
وزّعِتْ صوتي عَ القصبْ،
وِ المَيّ،
وِنْزول الشتيي،
وْالريحْ لّمّا تْكون تِلْويحِةْ حَلَقْ،
وِتْكون مجنوني.

وَمْحِيت منّي النوم ، وِعْطيت البَحر لَيْكون مِتليْ
رَفّةْ جْفوني.

وْإيديْ
لَتِكْتُبْ بَسّ.
وِجْبيني

لَيكونْ عالي.

وِالشّمِسْ قِطْعِةْ دَهَبْ ، مَنْحوتْ وِجّيْ فَوْقْها.
وْلَ تْضَلّ تِحْرُسْ هَ السما ،
علّقْها بْصِدْر السما قُوني.



.
.
.

الشكر لكِ فتنة..:wf:
كمان مؤيد كماان.. أصلو مش طالع ع بالي فل:an:
...

[سما]

لوركا

غارسيّا لوركا
الشَّبّ اللّ تِمّو دَهَبيْ
وْعَصَايتوْ فِضّه، وْقَميصوْ عِنَبي.

وِالِّلي مع العَصْفور ، وِاللَّيْلَكْ ، رِبِيْ.

بِيِفْتَحْ كْفوفو الخضرْ،
بِتْشوف فِيهُنْ مَكْتَبِيْ.

مِنْ ماندولين ، وْلوزْ إشْبيلي ، وْكَنَار،

وْمَسْبَحَه مْنِ الخَوخْ،
وِفْراشِي،
وْنافورِةْ مَيّ غِرناطِي كَأنّا دموع ( عبد الله الزّغير) العَرَبيْ
لَمّا انقتلْ،
قالوْ:
عَ رِكْبِةْ إمْ شَعْرا لَيلْ إسبانِيْ،
وْإيدا أَنْدَلُسْ
دَبَحوْ صَبِيْ،
نَقَّطْ عَ دَمَو دَمِع أخضَرْ مِنْ حِصانوْ الخَشَبِيْ.

لما انقتل
قالو صبايا مْن الغجر قمصانهن بيضا طويلي:
نبيد "عِرْس الدّم"
يا أرض اشربي.

لما انقتل

كَلّ اللي دِينُنْ : وردة الدم،
البيارقـ
رنة جْراس الضباب،
الزنبق الأبيض،
عريس القمح ،
دَيْر الشيح،
رِهبان الحمام،
الغِصِنْ المْزَهَّر كأنو المَبْخَرهْ،
الزيتون،
مَسْبَحْةِ الندي،
وِالعاصفي الْ عَ كْتافْها جْرار البَحرْ،
وِ الطّيرْ يللي بْتِلْبس برانيط حمرا،
الغار،
إنجيل البياض،
الْمِلِحْ ، خِصْر السوسني، الرَّقْص اللّ دّفُّو
نَقْرِة الفِضّهْ بِكَفّ المَيْ، جِلنار الحرير ، شَقايق النعمان، قَنديل المسا،
الريح اللّ نايا قَصَبيْ

قالوْ الأَرضْ
قَتَلِتْ نَبي.

...

[مؤيد أحمد]

لا تفلي سما
حلوين وحياة الله حلوين
;fl;

[سما]

أشعار لم أكتبها

يُروى ويُشاع
لمّا لم يأتِ الوجهُ إلى الموعدِ ،
والمرآةُ انتظرتْ
.
.
هوَ ضاعْ.. وهيَ انكسرتْ.




أشياء

هناك أشياءٌ ستبقى روحها مجهولةً
حتى وإن وجدتُ لونها،
رُخامها،
مسرحها،
راقصها،
رسّامها.

يا شعرُ ، ساعدنيَ أن
ألقى لها
كلامها.
...

[مؤيد أحمد]

ممممممم
الفصحى هون مو متل العامّي/المحكي عنّدوو

شو سما
شو رايك ؟

يعني ممكن يكون الفصحى كلّوو هيك ؟؟

[سما]

تشبهلو للمحكي اللي عندو

نعم ومعظم -إن لم يكن كل - ما في "كلك عندي إلا أنت" يبدو كذلك..
روح جوزف تسيطر على النصّ\ العفوية الجميلة والدائمة لديه
أكثر من اللغة ربما؟

هنا بدا لي مختلفا قليلا.. قليلا جدا فقط..
كأنه جوزف الذي يختبئ وراء جوزف.. في لحظة مع نفسه

ماذا سأفعل؟

قد لا أرى عقلا لدي وعاطفة
قد لا أحب البحر والآفاق
والملح لاذي يعلو قميص السيّد البحّار
قد يبدو ليَ الزبد الخفيف إذا يدي مرّت عليه.. مجازفة.
ولعلني رجلٌ وُلِدْتُ على سواحل هذه الدنيا
بجسمٍ طافحٍ كسلاً.. وروحٍ خائفة.
لكنني ماذا سأفعل غير قتل الوقت في ترتيب قبرٍ لي
إذا كسرت يدي المجدافَ
أو هَجَرَتْ شراعي العاصفة.

...

[عبدالله آل دعبل]

زيدينا من هذهِ الفُصحى

[عبدالله آل دعبل]

شنو لأنو
جاي ببالي.. شي تووت
وشفت الضيف عم يئراها
إلِتْ إرفعاا..